Dil ki ye aarzoo thi koi dil-ruba mile
Lo ban gaya nasib ke tum ham se aa mile
Dekhen hamen nasib se ab apne kya mile
Ab tak to jo bhi dost mile bevafa mile
Aankhon ko ik ishaare ki sehamat to deejiye
Qadamon men dil bichhaadun ijaazat to deejiye
Gham ko gale lagaalun jo gham aap ka mile
Ham ne udaasiyon men guzaari hai zindagi
Lagta hai dar fareb-e-vafa se kabhi kabhi
Aisa na ho ki zakhm koi phir naya mile
Ab tak to jo bhi dost mile bevafa mile
Kal tum juda hue the jahaan saath chhod kar
Ham aaj tak khade hain usi dil ke mod par
Ham ko is intazaar ka kuchh to silah mile
Sunday, September 13, 2009
Subscribe to:
Post Comments (Atom)
No comments:
Post a Comment