Tum khoob lagaa lo naara
Yeh subh din hai
Ham sab ka
Lehraa do tirangaa pyaara
Par math bhoolo
Seemaa par
Veeron ne hai praan gavaaye
Kuch yaad unhe bhi kar lo
Jo laut ke ghar na aaye
Ae mere watan ke logon
Jara aankhon mein bhar lo paani
Jo shaheed hue hain unki
Jara yaad karo qurbaani
Tum bhool na jaana unko
Is liye suno yeh kahaani
Jo shaheed hue hain unki
Jara yaad karo qurbaani
Jab ghaayal hua himalay
Khatre mein padi aazaadi
Jab tak thi saans lade voh
Phir apni laash bichaa di
Sangeen pe dhar kar mathaa
So gaye amar bali dani
Jo shaheed hue hain unki
Jara yaad karo qurbaani
Jab desh mein thi deewaali
Voh khel rahe the holi
Jab ham baithe the gharon mein
Voh jhel rahe the goli
Kya dhanya jawaan voh apni
Thi dhanya voh unki jawaani
Jo shaheed hue hain unki
Jara yaad karo qurbaani
Koi sikh koi jaat maraatha
Koi gurkha koi madarasi
Sarhad par marne waalaa
Har veer tha Bhaarath vaasi
Jo khoon gira parbat par
Voh khoon tha hindustaani
Jo shaheed hue hain unki
Jara yaad karo qurbaani
Thi khoon se lath path kaayaa
Phir bhi bandook uthaa ke
Das das ko ek ne maara
Phir gir gaye hosh gawaan ke
Jab anth samay aaya tho
Keh gaye ki ab marthe hain
Khush rahna desh ke pyaaron
Ab ham tho safar karte hain
Kya log the voh deewaani
Kya log the voh abhimaani
Jo shaheed hue hain unki
Jara yaad karo qurbaani
Tum bhool na jaana unko
Is liye kahi yeh kahaani
Jo shaheed hue hain unki
Jara yaad karo qurbaani
Jai Hind
Jai Hind ki Senaa
Jai Hind
Jai Hind ki Senaa
Jai Hind
Jai Hind
Jai Hind
Jai Hind
No comments:
Post a Comment